AZKEN FESTA!

Arratsaldeon lagunok!

Ikasturte honetako azken Zapatublai izanik, egun berezia antolatu genuen.

Arratsalderi hasiera emateko taldekatze jolasekin hasi ginen eta gorputz guztia mugituz, taldeka jarri ginen, ur jolasei hasiera emateko.

Txirrista bat, ur globoekin jolasak, txorrotak...ura erabiliz, jolasean aritu ginen. Geroxeago, apar festa ere burutu genuen. Guztiak zuri zuri jarri ginen papadelta itxura harturik.

Azkenik, oraingo ikasturteari bukaera emateko, merendola bat egin eta musika jarri genuen.
Guztiok abesten eta dantzatzen eman genion amaiera egunari.

Plazer bat izan da ikasturte honetan zuekin eta zuentzako lanean aritzea.

Hurrengo urtean elkar ikusiko dugulakoan agurtzen gara!


Zapatublaiko hezitzaileak eta koordinatzailea!

IGARTUBEITI BASERRIRA IRTEERA

Kaixo Lagunak !

Zapatuan egun paregabea izan genuen Zapatublaitarrok, eguzki  Itzel  batek lagunduta  Ezkion dagoen Igartubeiti  baserrira egin genuen irteera.

Autobusera igo eta abesten egin genuen bidaia. Baserrira heldu ginenean   Maggirekin elkartu ginen, berak azaldu zigun zer egingo genuen arratsalde horretan. Igartubeiti baserrian, animalia ezberdinak ikusi genituen baina ez genuen ornitorrinko itxurako ahaterik ikusi.

Hasieran, 2 taldetan banatu ginen. Talde batek  Baserria bisitatu eta  sagar zukua eta eztia probatu  bitartean;   beste taldekoek , gaileta goxoak egin zituzten. Ondoren alderantziz banatu ginen.

Meriendarako tartea ere izan genuen eta jolasean ibili ginen bertan dagoen belar gune eta mahaietan  . Arratsalde polit honen ostean autobusera igo eta Zaldibarrera itzuli ginen gaileta gozoak gurekin eraman genituelarik. 

Primeran pasatu dugu eguna denok irribarre handi batekin !

Hurrengo Zapatublaiko azken festan ikusiko dugu elkar. Hurren arte!!

ARRATSALDE EURITSUARI IRRIBARRE!

Larunbateko eguraldi txarrari mozorro desberdinak jantziz eta aurpegia margotuz aurre egin genion. Txikiak mahai jolas desberdinetan jolasean zeuden bitartean nagusiek ikuskizun bikaina prestatu zuten, ondoren denon aurrean antzezteko.

Gure artean hainbat pailazo eta Super Mario izan genituen eta hauen kontakizunekin denok barrez lehertu ginen!

Antzezlanean ia nagusi guztiek parte hartu zutenez, laberinto batetik irtetzea baino zailagoa izan zen pailazoen artetik ihes egitea!

Eguraldi euritsuari aurre egiteko arratsalde paregabea igaro genuen.

Hurrengo zapatublain ikusiko dugu elkar, gogoratu Ezkiora egingo dugula irteera, Igartubeiti baserrira!

KLUEDO JOLASA!

Kaixo lagunak!

Zapatuko lehenengo tartean, eta eguraldi ona aprobetxatuz, Kluedo jolasa burutu genuen. Horretarako, lehenengo, istorio bat kontatu genien haurrei. Istorio horretan detektibe lanak eginez saria nork lapurtu zuen asmatu behar izan zuten. Pertsonai ezberdinak Zapatublaiko eremutik zehar zeudelarik, bertara hurbildu eta taldeka galderak egiten aritu ziren lapurra nor zen asmatu ahal izateko. Haurrek oso ondo burutu zituzten detektibe lanak eta lapurra nor zen asmatzea lortu zuten. Maddik zeukan, Iratiren txokolatea!

Kluedo egin ondoren, merienda jan genuen guztiok batera kalean zegoen aire girotuarekin batera.

Bukatzeko txapa tailerra egin genuen, txapa egiteko, haur bakoitzak nahi zuen marrazkia sortzeko aukera izan zuen.

Arratsalde dibertigarria izan zen!

Hurrengo arte lagunok!