Egunon
guztioi!
Nolako
eguna zapatukoa! Eguzkia eta hotza izan genituen protagonistak arratsalde osoan
zehar. Oraingoan, Olazar parkean eta Zaldibar herrian zehar ibili ginen ginkanak eta beste
hainbat ekintza dibertigarri egiten.
Asteburu
honetan ere, ume guztiek ekintza ezberdinak eginez ongi pasatzeko aukera ugari
izan dituzte: asmakizunak, mimikak, abestiak, ginkanak, … a zer nolako
arratsaldea larunbatekoa️!
Taldeetako
txikienei dagokienez, arratsaldea ekintza ezberdinez beteta eduki dute: mimika
jolasa (keinuen
bitartez animali ezberdinak asmatu behar zituzten); pictionary jolasa (ume
batek arbela batean egiten dituen marrazkien bitartez objektuak, ekintzak,
animaliak, … marraztu behar zituen gainontzeko kideek asmatzeko); eta
meriendaren ostean jolas libreak izan ditugu!
Ertainekoen
kasuan, hauek ere ez dute aspertzeko denborarik izan! Hiru txoko ezberdinetan
banatu ostean, jolas desberdinak zehaztu dira txoko bakoitzerako: asmakizunak,
mimikak eta abestiak. Jolas hauek gainera, sari modura, letra batzuk zeuzkaten.
Ondoren, talde bakoitzak, lortutako letren bidez DENOK BATERA GEHIAGO GARA
esaldia osatu behar zuen. A zer leia!! Gainera, merienda ostean jolas librak
egin dituzte taldeko txikienek bezala.
Azkenik,
taldeko nagusienen jolasak ditugu. Hauek gaurkoan, abentura handi bat izan dute!
Zaldibar osoan zehar izan ere! Handienek, Zaldibar guztian zehar froga ezberdin
eta bariatuez osatutako Ginkana bat izan dute. Abentura hau izan ostean,
gorputza mugitzeko dantza jolasak ere egin zituzten. A zer martxa!
Dudarik
gabe, Azaroari amaiera ederra eman genion. Hilabete honetako ekintzak amitu
ditugun arren, urteari oraindik amaiera ahaztezin bat eman behar diogu.
Abenduan ikusiko dugu elkar jolas eta ekintza gehiagorekin. Gabonetako oporrak
laster iritsiko diren arren, oraindik momentu dibertigarri asko izango ditugula
ziur gaude!
