JOLASAK eta ESKAL KARAOKEA FAMILIAN

Kaixo guztioi:

Asteburu berezia izan da oraingoa.

Lehenengo jolas ezberdinak egin genituen zapatublaiko ume eta familiekin. Oso ondo pasatu genuen guztiok batera.

 

Merienda jan eta indarrak hartu ondoren, karaokearekin hasi ginen. Kantuan eta dantzan aritu ginen guztiok ilundu arte.Oso ondo pasatu genuen eszenatoki gainean!

                                           Eskerrik asko parte hartu zenuten guztioi !!

FAMILIENTZAT EUSKAL KARAOKEA ETA JOLASAK

Kaixo familia!

Zapatu honetan egingo den ekintzetarako gonbidapena luzatu nahi dizuegu.

Arratsaldeko 16.00etatik aurrera, “Familientzat Euskal Karaokea eta jolasak”  burutuko ditugu Zapatublaiko lokal inguruan. 

Familia giroan jolastu, abestu eta ongi pasatzea nahi baduzue hurbildu zaitezte guregana!

IKASTURTEARI HASIERA EMANEZ...

" Kaixo Gurasoak!

Gaur hotz handia egin arren oso ondo pasatu dugu berriz ere Zapatublain! Ume pilo bat egon gara!

Arratsaldeko lehenengo zatia Euskararen egunerako prestaketa batzuekin ekin diogu eta horren inguruko txapak egin ditugu.

 

Txapak egitea lan gogorra izan denez, indarrak berreskuratzeko, kalean meriendatu dugu, zelako bokadilo goxoak!

Indar berritu ostean, arratsaldeko bigarren zatiari ekin diogu. Nagusiak Zaldibarretik ibili dira Euskaraz hitz egiten zutenei txapak banatzen eta besteok jolasak egin ditugu barruan, hotz handia egiten zuelako.

  

        

Amaitzeko pasiloan, euskara baloratzeko erabiliko dugun gure erle maitagarriaren bidea itsatsi dugu.

Oso ondo pasatu dugu, ea laster pasatzen diren aste hauek, Zapatublaira berriro etortzeko!"