Zapatublai Zaldibarren: 2017

2017(e)ko abenduaren 19(a), asteartea

URTEKO AZKEN ZAPATUBLAI

Kaixo guztioi !

Urte honetako azken zapatublai izan zen zapatukoa. Izan ere, gabonak hurbil dauzkagu.

Orain dela aste batzuk buztinarekin egindako irudiak temperarekin margotzen hasi genuen saioa. Pintzelak hartu eta lanean hasi ginen fin fin lauko eta bosteko taldetxotan.

Merienda jan ostean, karaokea ipini genuen eta baita wi dance-a. Bertan ibili ginen denok abesten, dantzan,.. giro apartarekin primeran pasatu genuen arratsaldea.

Datorren urtean ikusiko gara.

Gabon zoriontsuak pasa !!

2017(e)ko abenduaren 5(a), asteartea

Kaixo guztioi!

Zapatu berezia izan dugu oraingo honetan. Goazen telesaileko kideak etorri zaizkigu herrira bisita egitera, hori dela eta zapatublaitar asko eta asko lehenago joan zaizkigu saio honetatik. Hala eta guztiz ere, oso gustura aritu gara lagunekin pintxo bereziak sortzen, "txef" profesionalen pare aritu gara jolasean lortutako osagaiekin jakiak eratzen. Giro aparta izan dugu arratsalde osoan zehar, lagun artean gustura aritu gara, bai horixe!

Hurrengo arte lagunok!

2017(e)ko azaroaren 22(a), asteazkena

BUZTINAREKIN JOLASEAN

Kaixo guztioi!

Zapatuari jolasean eman genion hasiera. Batzuk arearekin jolasten ibili ziren beste batzuk aldiz eraikuntzak egiten eta bada dantzan eta pase modelos-ean aritu zenik ere.

Gero, merienda jan genuen. Indarberritutakoan buztinarekin aritu ginen. Norbere sormena erabiliz irudi, eraikuntza eta figura ezberdin ugari sortu ziren, norbaitek pastelak ere egin zituen…hori bai, txokolatezkoak zirudien arren, ezin izan genituen jan!

Guztiok primeran pasatu genuen, errepikatzeko moduko ekintza izen zen.

Hurrengo zapatublain ikusiko gara!

2017(e)ko azaroaren 13(a), astelehena

ALTXORRAREN BILA

Aurreko zapatuan, euriari aurre egiteko katiuska eta xira jantzita Zaldibarko kaleetan zehar altxorraren bila ibili giñen. Pistak aurkitu eta froga desberdinetatik igaro ondoren altxorra zegoen lekua aurkitu eta merendola handi batekin ospatu genuen. Arratsaldeari amaiera emateko, Gaztelekuko lagunekin jolasean aritu giñen.

2017(e)ko urriaren 23(a), astelehena

JOLASEAN

Kaixo denoi!

Zapatu honetan ere primeran pasatu dugu. Eguraldia lagun, kanpoan jolasean aritu ginen hasieran. Blokeak, area, ura… denetarik izan genuen primeran pasatzeko.

Denon artean, ikasturteko lehenengo hilabeteetan, Zapatublain antolatuko ditugun ekintzak ere adostu genituen. Denon gustu eta nahiekin, egutegi dotore bat osatu genuen gela berdean. Eguna bukatzeko, pultserak eta lepokoak egiteko aukera izan genuen, plastilinarekin jolasten aritu ginen eta mahai jolas ezberdinak ezagutu genituen.

Bi aste barru itzuliko gara ekintza eta sorpresa gehiagorekin!

2017(e)ko urriaren 10(a), asteartea

HARRERA EGUNA

Kaixo guztioi !!

Pasadan astean ekin genion Zapatublairi. Irrikitan egon gara denok berriro elkar ikusteko.

Hasieran, gelara sartu ginen motxilak eta jertseak iztera. Gurasoek ere aukera izan zuten Zapatublaira etortzeko eta gurekin arratsalde zatitxo bat igarotzeko.

Aurten, proposamenen txokoa prestatu dugu. Horrela guraso zein haurren nahiak kontuan izanda, programaketa bat sortuko dogu. Proposamen ugari idatzi ziren bertan, pultserak egiteko tailerra, antzerkiak, altxorraren bila,…..

Arratsaldeko lehenengo zatian, jolas erraldoietan aritu ginen eta gela baten ipuin kontaketatxo bat ere egon zen. Lehenengo eguna izanik merendolatxo bat prestatu genuen indarrak hartzeko eta segituan jolasari ekin genion berriz.

Arratsaldeko bigarren zatian, jolasari ekin genion berriz, baina oraingoan hezitzaileek proposatutako jolasetan aritu ginen. Gazte lekukoek material pila bat ere utzi ziguten eta oso gustura aritu ginen batmintonera eta raketetara jolasten. Egun polita izan zen, oso ondo pasatu genuen!!

Hurrengo egunaren zain...