URTEKO AZKEN ZAPATUBLAI!!

Kaixo lagunok,    
oraingo honetan ere, asteburuan zapatublain egindako ekintzen berri ematera gatoz. Neguko oporrak hartzear gaude eta urteari amaiera berezi bat ematen aldera jaialdi txikitxo bat antolatzea erabaki zuten nagusienek. Beraien ardura izan zen egun hau antolatu eta aurrera eramatea.
Guztiok lagundu genuen eta oso gustura aritu ginen elkarrekin. Arratsaldearen lehen zatian, jolasean aritu    
ginen kalean, eguzkiaren azken printzak aprobetxatuz. Ondoren, merendola goxoa izan genuen indarrak berreskuratzeko. Hura bai merendola!    
Jaialdiari amaiera ematekotan, euskal film bat ikusi genuen denok batera eta zer da jaialdi bat musika eta dantza gabe? egunari amaiera on bat emateko karaoke txiki batez gozatzeko aukera izan genuen. Oso gustura aritu ginen denok elkarrekin dantza eta kantuan. Orain opor garaia dator eta ez dugu ikusteko aukerarik izango zati batez....baina ez gaitezen ikaratu, laster batean elkartuko gara berriz ere. Gozatu ditzagun oporrak eta indarrak kargatuta egongo gara bueltan. Olentzero eta Mari Domingik opari asko ekarriko dizkigulakoan... bueltararte lagunok!

   

EUSKARAREN EGUNA!!

Zapatu honetan, Abenduak 3 Euskararen eguna ospatu dugu Zapatublain! Euskara sustatzea den gure helburu garrantzitsua landuz. Gaurkoan eguraldiak lagundu digu eta kalean jolas librean aritu gara. 
Ondoren Euskal kantu jolasak egin ditugu, horretarako haurrek hainbat kanta eta jolas ikasi dituzte eta oso ondo pasatu dugu.

Euskaraokearekin bukatu dugu arratsaldea, euskal kantak hautatuz eta abestu zein dantzatzeko aukera izenaz. Abesten zein dantzatzen euskaraz oso ondo pasatu eta gozatu dugu! 

Hala ere, Euskarak 365 egun ditu eta Zapatublain egunero jarraituko dugu jolas, kantu eta ekintzen bitartez Euskararekin gozatzen!!

DONOSTIKO AKUARIUMERA IRTEERA!!

Iritsi da eguna, gaurkoan irteera izan dugu Donostiako akuariumera. Talde polita elkartu gara, kriston tropa!!
Arrasateko 14:00etan irten gara Zaldibarko udaletxetik, autobusean berba eta berba joan gara, bidaia laburragoa egin zaigu horrela. 

Donostiara iritsi garenean apur bat ibili behar izan gara akuariumerarte, txintxo txintxo, abesten ekin diogu bidaiari. Aipatzekoa da eguraldi bikaina izan dugula eta eguna guztiz aprobetxatu ahal izan dugula.
Behin akuariumean geundela, lau taldetan banatu gara. Lehenengo museoa ikusi dugu. Benetan ikusteko irrikaz geundena itsasoko animaliak izan dira. Bai beldurgarriak marrazoak!! Primeran pasatu dugu.  
Bisita bukatu ostean, plaza batera joan gara azkaria hartzera eta jolasak egin ditugu.
Nagusienek paseo berritik bueltatxo bat eman emateko aukera izan dute. 

19:00ak aldera danik elkartu eta autobusa hartu dugu Zaldibarrera buelta egiteko. Hain emozionatuta zeuden haurrak non autobusean gitxi batzuk egin duten lo. Kontu kontari haritu gara. 

Primeran pasatu dute bai haur eta bai hezitzaileak!!