Kaixo guztioi!
Zein ongi pasatu
genuen azken zapatu honetan ere! Arratsaldearen lehen zatian eguraldi ona aprobetxatuz,
kanpoan jolasean aritu ginen.
Ondoren, merienda
goxo goxoa jan genuen eta indarberritutakoan Ahotsa lehiaketarekin hasi ginen!
Nagusienak Ahotsa lehiaketako aurkezle eta epaile bilakatu ziren, betiere
txikiagoen laguntzarekin. 4 epaile izan genituen guztira.
Lehen zatian, zortzi
talde desberdin sortu genituen, horretarako zortzi kolore desberdin erabiliz aurpegiak
margotu genituen. Talde bakoitzak abesti bat prestatu zuen, dantza eta guzti! Prestatutakoan
guztion aurrean abestu eta dantzatu genuen eta oso gustura aritu ginen. Epaileei
ere asko gustatu zitzaizkien gure lanak!
Talde bakoitzak, bere ekitaldia amaitzean 4
epaileetako bat aukeratu zuen, lehiaketaren bigarren zatian beraiekin batera
beste abesti bat prestatzeko. Horrela bukaeran 4 talde handi sortu
genituelarik. Azken abesti hauek
prestatutakoan, guztion aurrean abestu eta dantzatu genituen. Oso ondo atera zitzaizkigun!!
Seguru hurrengoan
ere oso ondo pasako dugula!
iruzkinik ez:
Argitaratu iruzkina