Aupa zuek!
Pasa den zapatua, uda potente datorrenaren erakusgarri argia izan zen. Izan ere, kristoren beroa egiteaz gain, izugarrizko sargoria izan genuen, zeinak kalean egotea ia ezinezko egiten zuen.
Hala ere, orain dela oso gutxi Zaldibarko udalak martxan jarri dituen txorroen esker, arratsalde polit eta freskagarri bat bizitzeko aukera izan genuen.
Horren aurretik, noski, ume guztiek eguzkitarako krema erabili zuten ala ez galdetu, eta, ez zeukanei, guk geuk eman genien.
Gauzak horrela, behin ume denek krema babeslea zutela, txorroetara abiatu ginen. Bertan egon ginen arratsaldearen zati nagusian, beste edozer egitea zegoen aroarekin erokeria hutsa iruditu bait zitzaigun.
Horrenbestez, eguraldi berezi honegatik, merienda ordua ahalik eta gehien atzeratu genuen, txorroetan umeak ez baitziren aspertzen proposatutako ur jolasekin. Gainera, monitoreen laguntzaz erabilitako ur-puxikekin, entrenimendu itzela izan zuten.
Merienda ostean, hainbat joku ludiko proposatu genituen. Ume kopurua ez zenez izugarri handia izan, ia denok batera aritu ginen, beste behin benetako familia bat bezala.
Azkenik, joku hauen artean aipagarriak iruditzen zaizkit egindako pultseren tailerra; eta, ertainen taldean, tenperak erabiliz egindako zuhaitzen marrazkiak.
Besterik barik, segi gogor, oporrak laister datoz eta!!
iruzkinik ez:
Argitaratu iruzkina